ავტორი: მარიამ თურმანაული

ელექტროგარდიოგრაფიის ინტერპრეტაციის შესწავლისას, ყველაზე მნიშვნელოვანი უნარი მწვავე მიოკარდიული ინფარქტის 12-განხრიან ეკგ-ზე ამოცნობაა.

მოგეხსენებათ, დრო გულის შეტევის მკურნალობისას ძალიან მნიშვნელოვანია. ეკგ-ზე ST სეგმენტის ელევაციით მიმდინარე MI-ის გამოტოვებამ შეიძლება გამოიწვიოს პაციენტის მდგომარეობის სავალალო შედეგები.

მოდით გადავხედოთ ეკგ-ს დასკვნებს ST სეგმენტის ელევაციით მიმდინარე მიოკარდიუმის ინფარქტის დროს (STEMI-ს).  ისევ და ისევ – მრავალი მაგალითით, თუ როგორ გამოიყურება STEMI-ის თითოეული ტიპი 12-განხრიან ელექტროკარდიოგრამაზე.

ტიპი #1: ST სეგმენტის ელევაციით მიმდინარე წინა კედლის  მიოკარდიუმის ინფარქტი (Anterior STEMI).

ეს არის ერთ-ერთი ყველაზე მძიმე ტიპი, რომელსაც ახასიათებს ძალიან მაღალი სიკვდილიანობა, თუკი არ მოხდება მისი დროულად მკურნალობა. წინა კედლის STEMI, როგორც წესი, გამოწვეულია მარცხენა წინა დაღმავალი კორონარული არტერიის (LAD) მწვავე თრომბოზული ოკლუზიით — რომელიც ცნობილია როგორც „დამაქვრივებელი ეკგ“ (widow maker).

შეგახსენებთ, რომ წინა კედლის ტრანსმისიული ინფარქტის ტექნიკური ამოცნობა ხდება  V3 და V4 განხრებში; თუმცა, წინა MI-ების დროს,  ხშირია შემთხვევები, როდესაც პროცესში ჩართულია ძგიდე და/ან გვერდითი კედელი რადგან LAD სისხლს აწვდის როგორც მარცხენა პარკუჭს, ასევე ძგიდეს, მწვერვალს და ანტეროლატერალურ (გვერდით) კედელს.

ძგიდე ეკგ-ზე წარმოდგენილია V1 და V2 განხრებში, ხოლო გვერდითი კედელი წარმოდგენილია V5, V6, I და aVL განხრებში. თუმცა, ზოგჯერ LAD „შემოუვლის“ გულის მწვერვალს — როგორც ანატომიური თავისებურება. შედეგად, გულის ქვედა კედლის ნაწილის სისხლმომარაგებაც LAD-ის მეშვეობით ხდება.

სანამ მაგალითებზე გადავალთ საჭიროა გავიხსენოთ რამდენიმე დამატებითი საფუძვლიანი საკითხი წინა კედლის ინფარქტების (anterior MIs) შესახებ.

თუ თრომბოზი მდებარეობს LAD-ის პროქსიმალურ (საწყის) მონაკვეთში,  გარდა წინა კედლის სეგმენტებისა, ხშირ შემთხვევაში დაზიანება მოიცავს ძგიდესაც და ლატერალურ კედლებსაც. შედეგად, ეკგ-ზე ST სეგმენტის ელევაცია გამოჩნდება V1-დან V6-მდე განხრებში და ასევე შესაძლოა მოგვევლინოს I და aVL განხრებშიც.

როდესაც თრომბოზი შუა LAD-შია (ძგიდის განშტოების შემდეგ), დიაგონალური ტოტები შეიძლება იყოს ჩართული პროცესში, ან შეიძლება არც იყოს ჩართული. თუ ეს ასეა, მაშინ ST სეგმენტის ელევაცია წარმოდგენილი იქნება V3-დან V6-მდე – და არა ძგიდის განხრებში (V1 და V2).
იმის გამო, რომ უკანა განხრები პრეკორდული განხრების ანატომიურად საწინააღმდეგო მხარეს მდებარეობს, რაც წინა კედლის, ან ძგიდის ინფარქტების დროს  ჩვეულებრივ, არ მოწმდება — შესაბამისად არ ფიქსირდება “რეციპროკული ცვლილებები”. მეორე მხრივ, „ზემო ლატერალურ“ ინფარქტებში, როცა ST სეგმენტის ელევაცია შეინიშნება I და aVL განხრებში, შეიძლება აღინიშნოს რეციპროკული ST სეგმენტის ინვერსია II, III და aVF განხრებში.
გთხოვთ ყურადღება მიაქციოთ კიდევ ერთ ტერმინოლოგიურ დეტალს:

როდესაც ეკგ-ზე წინა კედლის ST სეგმენტის ელევაცისთან ერთად (V3 და V4)  აღინიშნება იგივე ცვლილებები, ძგიდის (V1 და V2) და ლატერალურ/გვერდითი (V5, V6, I და aVL) განხრებშიც —აღნიშნულს ეწოდება „გაფართოებული წინა კედლის ინფარქტი“ (Extensive Anterior MI).

ყველა ამ ტიპის ინფარქტისთვის მკურნალობა ერთნაირია, მიუხედავად იმისა, თუ რა სახის ეკგ ნიმუშია წარმოდგენილი — მკურნალობა გულისხმობს სწრაფ კორონარულ რევასკულარიზაციას.

და ბოლოს, STEMI-ის ოფიციალური განმარტება კარდიოლოგიის ამერიკული კოლეჯის/ამერიკული გულის ასოციაციის გაიდლაინების მიხედვით ჟღერს შემდეგნაირად:

 STEMI არის „ახალი ST სეგმენტის ელევაცია J წერტილში მინიმუმ ორ მიმდებარე განხრაში — ≥ 2 მმ მამაკაცებში ან ≥ 1.5 მმ ქალებში განხრებში V2–V3 და/ან ≥ 1 მმ სხვა მიმდებარე გულმკერდის, ან კიდურის განხრებში.“ ეს ნიშნავს 1 მმ-ს ელევაციას ნებისმიერ ორ მომიჯნავე გახნრაში, გარდა V2 ან V3, სადაც ელევაციის სიმაღლე უნდა იყოს 2 მმ მამაკაცებში ან 1,5 მმ ქალებში.

ქვემოთ მოცემულია წინა კედლის ინფარქტის ეკგ ნიმუშები, რომლებიც შესაძლოა შეგხვდეთ კლინიკურ პრაქტიკაში.

ე.წ. “საფლავის ქვა”

ეკგ-ს აღნიშნული ტიპი თავის  სახელწოდებას დამსახურებულად ატარებს 😊 .

J წერტილი აწეულია და T კბილთან ერთად ეკგ-ზე ისე გამოიყურება, თითქოს საფლავის ქვა იყოს გამოსახული (“Tombstoning”). წინა კედლის ინფარქტისას, როდესაც შეინიშნება ასეთი “საფლავის ქვის ფორმა”, ST სეგმენტის ელევაცია ხშირად შეადგენს 4-დან 6 მმ-ს.

 ST სეგმენტის ელევაცია არ უნდა აგერიოთ T კბილში.

კარგად დააკვირდით: სად მთავრდება ST სეგმენტი — იგი მკვეთრად არის აწეული იზოელექტრულ ხაზთან შედარებით.

გაიხსენეთ:

J წერტილი არის ადგილი, საიდანაც გაზომავთ ST სეგმენტის ელევაციას და ელექტრული ხაზი განისაზღვრება TP სეგმენტით — ანუ იმ მონაკვეთით, რომელიც მდებარეობს T კბილსა და მომდევნო P კბილს შორის.

ქვემოთ მოცემულია “საფლავის ქვის” კიდევ ერთი მაგალითი, ოდნავ განსხვავებული ფორმით.

პათოლგოიურ პროცესში მონაწილეობს ძგიდე (განხრა V2) და ლატერალური კედელიც მცირედ არის ჩართული (განხრები V5 და V6).

P.S. რაც უფრო მეტ მაგალითს ნახავთ, მით უკეთესად შეძლებთ ამ მახასიათებლების ამოცნობას მომავალში.

ქვემოთ წარმოდგენილი ანტეროსეპტალური STEMI-ის ეკგ მაგალითი საკმარისად კარგად და ცხადადაა გამოხატულია, რომ იგი V3 განხრაში “საფლავის ქვის” ფორმად ჩაითვალოს.

ამ შემთხვევაში ლატერალური კედლის ჩართულობა არ ფიქსირდება.

წინა კედლის ინფარქტის ნიმუში — ტიპიური ST სეგმენტის ელევაცია

მიუხედავად იმისა, რომ ეკგ არ წარმოადგენს “საფლავის ქვას”, მაინც აღსანიშნავია მნიშვნელოვანი ST სეგმენტის ელევაცია.

V3 განხრაში ST სეგმენტი აღწევს 5 მმ-მდე, ასევე ლატერალურადაც ფიქსირდება მცირედი ელევაციები V5 და V6 განხრებში.

ამგვარად, ეს მაგალითი არის წინა კედლის STEMI მცირედი ლატერალური ჩართულობით — თუმცა ეკგ-ზე  “საფლავის ქვა” ამ კონკრეტულ შემთხვევაში არ აღინიშნება.

V4 გახნრაში ST სეგმენტი წარმოადგენს კარგ მაგალითს ST სეგმენტის “ამოზნექილობის” (Concave Upward) — განსხვავებით წინა მაგალითებისგან, სადაც ST სეგმენტი იყო “ჩაზნექილი” (Concave Downward), რაც ცნობილია როგორც ST სეგმენტის ე.წ. “კარნიზი” (Coving).

ქვემოთ მოყვანილი მაგალითი  V4 განხრაში  “საფლავის ქვის” მაგალითს წააგავს.

წარმოდგენილია J წერტილის გარკვეული ელევაცია V2-დან V6-მდე და მინიმალური ელევაცია V1-სა და V6-ში.

ეს კარგი მაგალითია ერთი მნიშვნელოვანი საკითხის სწრაფად შესაფასებლად.

როგორც უკვე ვთქვით ყველა პრეკორდიალური განხრა (V1-V6) ჰგავდა მინიმალურ ST სეგმენტის ელევაციას / J წერტილის V1-სა და V6 განხრაში – იგი არაა 1 მმ, მაგრამ პათოლოგიურად  გამოიყურება, არა?

თუ ეს ასეა, შეიძლება იყოს Non-STEMI ან არასტაბილური სტენოკარდია, რადგან ცვლილებები მართლაც მიოკარდიუმის იშემიიდან არის, მაგრამ არა ოფიციალურად STEMI – რაც ნიშნავს განსხვავებულ მკურნალობას  დროსთან მიმართებაში.

წინა კედლის ინფარქტის მაგალითი – იზოლირებული J წერტილის ელევაცია

რა თქმა უნდა, ყველა წინა კედლის ინფარქტს ტექნიკურად ახასიათებს J წერტილის ელევაცია და ჩვენ უკვე ვიცით, რომ ინფარქტის რეალური განმარტება ACC/AHA-ს რეკომენდაციით ეფუძნება J წერტილის ელევაციას. თუმცა, როგორც ხედავთ, ზოგჯერ სავსებით აშკარაა, რომ წინა კედლის ინფარქტი არსებობს, ზოგჯერ კი ნაკლებად თვალსაჩინოა. ქვემოთ მოცემულია მაგალითი, სადაც J წერტილის ელევაცია შეინიშნება, მაგრამ ეკგ-ზე არც “საფლავის ქვის” ფორმა ჩანს და არც თვალშისაცემი ST სეგმენტის ელევაცია აღინიშნება.

მწვავე ინფარქტის დროს ეს ნიმუში ნაკლებად გავრცელებულია.

მხოლოდ რამდენიმე შემთხვევა არსებობს, როდესაც იზოლირებულია J წერტილის ელევაცია, რომელიც უფრო ადრეულ რეპოლარიზაციას ჰგავდა, თუმცა აღმოჩნდა წინა კედლის ინფარქტი, რაც აღინიშნებოდა გულმკერდის მწვავე ტკივილის ფონზე. თუმცა თუ შესაძლებელია, ძალიან მნიშვნელოვანია ძველ ეკგ-სთან  შედარება.

თუ ST სეგმენტი და J წერტილი ადრე ნორმალური იყო, მაშინ ეჭვი უნდა მივიტანოთ წინა კედლის ინფარქტზე, მაშინაც კი, თუ მხოლოდ J წერტილი არის ელევაციური და პაციენტს აღენიშნება ისეთი კლინიკური მდგომარეობა, როგორიცაა გულმკერდის მწვავე ტკივილი.

აქ მოცემულია რამდენიმე მაგალითი იმისა, თუ როგორ გამოიყურება იზოლირებული J წერტილის ელევაცია.

თუ სწრაფად დააკვირდით, შეიძლება გამოგრჩეთ, V3 განხრაში J წერტილი იზოელექტრული ხაზიდან თითქმის 3 მმ-ით მაღლა დგას, ხოლო V4-ში შესაძლოა 2 მმ-ს შეადგენდეს. დანარჩენი ყველაფერი კარგად გამოიყურება.

აქ არ არის ძგიდის ან გვერდითი კედლის ჩართულობა, რაც ცოტა უჩვეულოა. ამ პაციენტს ჰქონდა მწვავე LAD-ის არტერიის შუა ნაწილის თრომბოზი.

ქვემოთ მოცემული მაგალითი ტექნიკურად არ აკმაყოფილებს წინა კედლის ინფარქტის კრიტერიუმებს J წერტილის მიხედვით V3 ან V4 განხრებში,

მაგრამ აკმაყოფილებს კრიტერიუმებს ძგიდის განხრებში — V1 და V2.

ყურადღება უნდა გავამახვილოთ, რომ მიუხედავად იმისა, რომ ზემო ლატერალურ განხრებში (I და aVL) ST სეგმენტის ელევაცია თითქმის არ შეინიშნება, ქვედა განხრებში (II, III და aVF) მაინც არის მნიშვნელოვანი რეციპროკული დეპრესია — რაც დიაგნოსტიკაში მნიშვნელოვანია.

ტიპი #2: ქვედა კედლის ST სეგმენტის ელევაციით მიმდინარე მიოკარდიუმის ინფარქტი (Inferior STEMI)

ქვედა კედლის ინფარქტის ამოცნობა შედარებით მარტივია.

ეს ინფარქტი მოიცავს ST სეგმენტის ელევაციას ქვედა განხრებში — II, III და aVF და დიაგნოსტირებისთვის  საკმარისია მინიმუმ 1 მმ ელევაცია ორ მიმდებარე განხრაში.

ჩვეულებრივ შეინიშნება რეციპროკული დეპრესია I და aVL განხრებში, რაც გვაძლევს შესაძლებლობას, რომ  იგი პერიკარდიტისგან განვასხვავოთ.

ქვედა კედლის ინფარქტის ვიზუალურ ფორმებში, ან ST სეგმენტის კონფიგურაციაში დიდი ცვლილებები არ ფიქსირდება, თუმცა ზოგიერთი უფრო „მძიმეა“  ST სეგმენტის ელევაციის ამპლიტუდის გამო.

ასევე, ქვედა კედლის ინფარქტის დროს ST სეგმენტის ელევაცია, როგორც წესი, არის ზემოთ აზნექილი.

ქვემოთ მოყვანილია რამდენიმე მაგალითი, თუ როგორ გამოიყურება ასეთი ტიპის ინფარქტი:

ქვედა კედლის ინფარქტის მაგალითი №1

ქვედა კედლის ინფარქტის მაგალითი №2

ქვედა კედლის ინფარქტის მაგალითი №3

ქვედა კედლის ინფარქტის მაგალითი №4

ტიპი #3: უკანა კედლის ST სეგმენტის ელევაციით მიმდინარე მიოკარდიუმის ინფარქტი (Posterior STEMI)

ამ ტიპის ინფარქტი, როდესაც იზოლირებულად არის წარმოდგენილი, განსაკუთრებით სახიფათოა,

მაგრამ ძალიან მნიშვნელოვანია, რომ მხედველობის მიღმა არ დაგვრჩეს.

მკურნალობა იგივენაირია, როგორც სხვა ნებისმიერი ST სეგმენტის ელევაციით მიმდინარე მიოკარდიუმის ინფარქტის შემთხვევაში და როგორც მოგეხსენებათ, დრო გადამწყვეტი ფაქტორია.

უკანა კედელი სისხლით მარაგდება უკანა დაღმავალი არტერიის (PDA) მიერ.

ადამიანების პოპულაციის დაახლოებით 15%-ში მარჯვენა კორონარული არტერია არადომინატურია, მცირე ზომისაა, არ კვებავს მარცხენა და მარჯვენა პარკუჭების ქვედა კედელს და ძგიდეს, ასეთ სისხლმომარაგებას ეწოდება მარცხენა ტიპი, იშვიათად გხვდება გულის სისხლმომარაგების ბალანსირებული ტიპი, სადაც მარცხენა პარკუჭის ქვედა კედელს სისხლით ამარაგებს როგორც მარჯვენა კორონარული არტერია, ასევე მარცხენა კორონარული არტერია.

მარჯვენა კორონარული არტერიის ოკლუზიამ შეიძლება გამოიწვიოს ერთდროულად როგორც ქვედა კედლის ST სეგმენტის ელევაციით მიმდინარე ინფარქტი, ასევე უკანა კედლის ინფარქტი.

ზოგჯერ ეს ცხადად ჩანს კარდიოგრამაზე, როცა უკანა კედლის ინფარქტს თან ახლავს ქვედა კედლის ST სეგმენტის ელევაციით მიმდინარე ინფარტი, მაგრამ ის შეიძლება იზოლირებულადაც განვითარდეს.

ეკგ კრიტერიუმები უკანა კედლის ინფარქტის დიაგნოსტირებისთვის – განიხილება როგორც ST სეგმენტის ელევაციით მიმდინარე ინფარქტი, მიუხედავად იმისა, რომ რეალური ST სეგმენტის ელევაცია არ არის აშკარა -იგი მოიცავს:

*  ST სეგმენტის დეპრესია V1-დან V4-მდე. ეს არის ძგიდის და წინა განხრები ელექტროკარდიოგრამაზე. ინფარქტი არის უკანა (ამ მიმართულების საპირისპირო ანატომიურად), ამიტომ არის ST დეპრესია – ელევაციის ნაცვლად. გადაატრიალეთ ეკგ თავდაყირა და ის ST სეგმენტის ელევაციით მიმდინარე ინფარქტს ჰგავს.

*  R ტალღისა და S ტალღის შეფარდება V1 ან V2 განხრებში 1-ზე მეტია. ეს წარმოადგენს შებრუნებულ Q ტალღას (იმავე პრინციპით, როგორიცაა ST სეგმენტის დეპრესია ელევაციის ნაცვლად).

*  ST სეგმენტის ელევაცია უკანა ეკგ-ის უკანა განხრებში (V7-V9). უკანა ელექტროკარდიოგრამის გადაღების შემთხვევაში უბრალოდ სამი დამატებითი გულმკერდის კერის დამატებით, რომლებიც მარცხენა გულმკერდის კედლის გასწვრივ ზურგისკენ არის განთავსებული.

ქვემოთ მოყვანილია რამდენიმე მაგალითი, რომლებიც მოიცავს იზოლირებულ უკანა მიოკარდის ინფარქტებს, ქვემო კედლის ST ელევაციით მიმდინარე ინფაქრტს უკანას ჩართულობით და უკანა ელექტროკარდიოგრამას.

განვიხილოთ პაციენტი იზოლირებული უკანა კედლის ინფარქტით.

აქ არაფერ შუაშია ჩართულობა.

კარგი იქნებოდა მეტი თვალსაჩინოებისთვის ST დეპრესიის ნახვა V2-ში, მაგრამ არის რამდენიმე. გაითვალისწინეთ, რომ R/S თანაფარდობა V1-ში საკმაოდ მაღალია.

ეს არის იგივე პაციენტის ეკგ, რომელსაც აქვს უკანა ეკგ ჩანაწერი . დამატებულია V7-დან V9 განხრები. V1 და V2 განხრებმა ცოტათი გადაინაცვლეს. უკანა კერებში ST სეგმენტის ელევაცია თითქმის 1 მმ-ც არ არის, მაგრამ მაინც ჩანს მცირე ელევაცია.

ქვემოთ მოცემულია ეკგ ჩანაწერის  ორი მაგალითი, როგორც ქვედა კედლის ST სეგმენტის ელევაციით მიმდინარე ინფარქტი, ასევე უკანა კედლის ჩართულობით.

გახსოვდეთ, რაც მეტს უყურებთ, მით უკეთესი!

ქვემო-უკანა ST სეგმენტის ელევაციით მიმდინარე ინფარქტი მაგალითი #1

ქვემო-უკანა ST სეგმენტის ელევაციით მიმდინარე ინფარქტი მაგალითი #2

ტიპი #4: მწვავე ინფარქტი ჰისის კონის მარჯვენა ფეხის ბლოკადით

შეგახსენებთ, რომ ჰისის კონის მარჯვენა ფეხის ბლოკადა არ გვიშლის ხელს ეკგ-ზე ST სეგმენტის ელევაციით მიმდინარე ინფარქტის აღმოჩენაში. ქვემოთ მოცემულია რამდენიმე მაგალითი, რომლებიც უნდა განიხილებოდეს, რათა ამოიცნონ წინა და ქვედა ST სეგმენტის ელევაციით მიმდინარე ინფარქტები ჰისის კონის მარჯვენა ფეხის ბლოკადასთან ერთად.

წარმოგიდგენთ მაგალითს – წინა კედლის ST სეგმენტის ელევაციით მიმდინარე ინფარქტი ჰისის კონის მარჯვენა ფეხის ბლოკადით.

შემდეგი მაგალითი – ქვედა კედლის ST სეგმენტის ელევაციით მიმდინარე ინფარქტი ჰისის კონის მარჯვენა ფეხის ბლოკადით. ყურადღება მიაქციეთ რეციპროკულ დეპრესიას I და aVL განხრებში.

ტიპი #5: ახალად აღმოცენებული მარცხენა ფეხის ჰისი კონის ბლოკადა – ST სეგმენტის ელევაციით მიმდინარე ინფარქტის ექვივალენტი

არსებობს შემთხვევები, როცა ST სემგმენტის ელევაციით მიმდინარე ინფარქტის სათანადო მკურნალობა არ იყო დაწყებული, რადგან კლინიცისტმა ან არ აღიარა, რომ ახალად აღმოცენებული მარცხენა ფეხის ჰისი კონის ბლოკადა არის ST სემგმენტის ელევაციით მიმდინარე ინფარქტის ექვივალენტი, ან ჩათვალა, რომ LBBB ძველი იყო. ახალად აღმოცენებული LBBB ხშირად იძლევა იგივე კლინიკურ ნიშნებს, რასაც STEMI.

სწორედ ამიტომ, ხშირად ხდება დიაგნოსტიკური შეცდომები, როდესაც ექიმები ვერ ასკვნიან, რომ ახალად აღმოცენებული LBBB და STEMI ერთსა და იმავე მდგომარეობას წარმოადგენენ.

ზოგჯერ, რა თქმა უნდა, არ არსებობს წინასწარი ეკგ-ის შედარების მონაცემები და ამისთვის საჭიროა თქვენი კლინიკური გადაწყვეტილების გამოყენება. ყოველთვის იმოქმედეთ სიფრთხილით და იზრუნეთ პაციენტზე. უმჯობესია გაააქტიუროთ კათეტერიზაციის ლაბორატორია და იპოვოთ არაობსტრუქციული კორონარული არტერიები, რათა თავიდან ავირიდოთ კარდიოგენური შოკი — რადგან ამ ტიპის ინფარქტი ჩვეულებრივ უკავშირდება მარცხენა ძირითადი არტერიასა და პროქსიმალურ LAD-ის ჩართულობას.
ასე გამოიყურება LBBB გულმკერდის განხრებში:

შენიშვნა: არსებობს კრიტერიუმები, როგორიცაა სგარბოსას კრიტერიუმები და ნიშნები, ასევე ჩეპმენის და კაბრერას ნიშანი, რომლებიც გამოიყენება მწვავე მიოკარდიუმის ინფარქტის დიაგნოსტირებისთვის უკვე არსებული მარცხენა ჰისის კონის ბლოკადის ფონზე, თუმცა მათი მგრძნობელობა შედარებით დაბალია. და ბოლოს, ერთი მნიშვნელოვანი საკითხი: მარჯვენა პარკუჭის ინფარქტი ხშირად თან სდევს ქვედა კედლის ST სეგმენტის ელევაციით მიმდინარე ინფარქტს; მიუხედავად იმისა, რომ იზოლირებულად მისი გამოვლენა იშვიათია, ან უბრალოდ ნაკლებად აღიარებული. მარჯვენა პარკუჭის ინფარქტი შეიძლება გამოვლინდეს მარჯვენა მხარის ელექტროკარდიოგრამით. რეკომენდებულია მარჯვენა მხარის ეკგ ყველა ქვედა კედლის STEMI-ს შემთხვევისას, რადგან მარჯვენა პარკუჭის ჩართულობა შეიძლება მკურნალობის ტაქტიკაზე გავლენას ახდენდეს.